الاسم: زعفران علي المهناء 
هذي قصيده مؤثرة لأم تشتكي حالها بعد أن وصلها ولدها (الله يهديه ويصلحه) لدار
العجزة أو كما يقال مصحة النسيان
قصيدة مؤثره والبيت هذا يبكي حتى القلوب القاسيه
* يـا ليتنـي عندك خدامـه بيـن إياديك .. اشوفك كل يوم ٍ حولي وأكحل عينـّيه *
ما عاش من يقول تعيش خادمة يا حلوة اللبن ولا شم راسه الهوى
اترككم مع مشاعر هالام المنكوبه
وين أنت يا عمران أمك تناديـك .. وراك مـــــا تسمـع شكواي و الرجيـه
يا مسندي ،قلبي على الدوم يطريـك .. ما غبت عن عيني وطيفك حولية
هذي ثلاث سنين والعيـن تبجيـك .. مـــا شفت زولك إقبالي وهذه المنيـه
تذكرني يا حياتي يـوم أشيلك وأداريك . . وألاعبك دايـم ٍ وتمشـي بالهديه
ترقد على صوتي وحضني يدفيـك .. ما غيرك احدٍ ساكن فـي حشاي وفييه
واليا مرضت اسهر بقربك وأداريك..ما ذوق طعم النوم لا صبـاح ٍ ولا مسيه
يا ما عطيتك من حنانـي ويعطيك .. تكبـر وتكبـر بالأمـل وأنت يوفي والي لية
لكن خسارة بعتني اليـوم و أشفيك! .. أخلصت للزوجة وأنا إلي صرت التاليه
أنا ادري أنها قاسيـه وما تخليـك .. قالت عجوز ٍما أبيها بالبيت معاي خوية
خليتني وسط اهل المصحة وأنا ارجيك .. هذا جزا المعروف وهـذه المرية
يـا ليتنـي عندك خدامـة بيـن أياديك .. اشوفك كل يوم ٍ حولي وأكحل عينـّيه
مشكور يا ولدي مشكور وتشكر مساعيـك .. وادعـي لـك الله دايـم بالهديه
عمران يا ولدي أنا أمك أوصيك .. أخاف ما تلحــق تشـوف هالوصايه
أوصيت دكتور المصحة يعطيك .. رسالتـي وحروفها مـن دموع عينيه
وان مت لا تبخل علـي بدعواك .. واطلب لي الغفران وهـذا هي المنية
وأمطر تراب قبري بدموع عينيـك .. ما عـاد ينفعـك النـدم والسعية
(حسبي الله ونعم الوكيــــــــــــــل)
الله يكون في عونها آميــــــــــــــــن
هذا القصيده مقتبسه من احد المواقع تأملتها كثير وفكرت كم يوجد ام مهظوم حقوقها بين ابنائها وحكموا عليها بالأعدام في هذا البلد ولا تسطيع ان تصل بصوتهالمن ينقذها من هذا الابن العاق اجارنا الله واياكم
كتبها زعفران علي المهناء في 07:30 صباحاً ::
تعليقان
في03,آذار,2007 - 12:10 مساءً, النبيل77 كتبها ...
ايه
كم من امهات
اولادهن بين ايديهن وهن كذلك ايضضا
في04,آذار,2007 - 09:37 صباحاً, السحر الصامت كتبها ...
آآآآآآآآآآآآآآه
والله ان الكلام في محله .. نسأل الله أن يلهمنا الصواب في التعامل مع أمهاتنا ولا يرين منا إلا ما يقر العين ويرضي النفس كما ما رأينا منهن إلا كل خير ومعروف ..
جزاك الله خير يا أخت زعفران